Տարվա լավագույն ուսանողների մրցանակաբաշխությունը տեղի ունեցավ Երևանում, Հունվարի 23-ին՝ ամեն
տարի հունվարի 25-ին նշվող Ռուս ուսանողների օրվան (Տատյանայի օրվան) ընդառաջ, Լոմոնոսովի անվան
Մոսկվայի պետական համալսարանի Երևանի մասնաճյուղում, որի շրջանակում պարգևատրվեցին՝ ՀՀ
բարձրագույն ուսումնական հաստատությունների լավագույն ուսանողները։
Տուրիզմի հայկական ինստիտուտից այս տարվա լավագույն ուսանող կոչմանը արժանացավ՝ Ալվարդ
Արշակյանը (3-րդ կուրսի ուսանողուհի):
Հանդիսության ժամանակ պարգևատրվեցին տարվա 15 լավագույն ուսանողներ՝ Ռուսաստանի և Հայաստանի
համալսարանների երկու մասնաճյուղերի ներկայացուցիչներ։ Նրանց թվում էին Մ.Վ. Լոմոնոսովի անվան
Մոսկվայի պետական համալսարանի մասնաճյուղի, Պլեխանովի անվան ռուսական տնտեսագիտական
համալսարանի մասնաճյուղի, Ռուսաստանի տուրիզմի ակադեմիայի մասնաճյուղ՝ Տուրիզմի հայկական
ինստիտուտի, Ռուսաստանի ագրարային համալսարանի, Երևանի պետական համալսարանի, Շիրակի
պետական համալսարանի և այլ համալսարանների ուսանողներ։
Այս տարվա արարողությանը նաև նշվեց Հայաստանում ռուսական համալսարանների ուսանողների
ասոցիացիայի 10-ամյակը, որի նախագահն է Տիգրան Մալխասյանը։ Ասոցիացիան տարիներ շարունակ
զգալի ներդրում է ունեցել ուսանողական համայնքի զարգացման գործում։
Եվ մեր ԲՈՒՀ-ի տնօրեն՝ Նաիրա Նալբանդյանին այս 10 տարիների կատարած աշխատանքի համար
վկայական և մրցանակ տրվեց։
Միջոցառումը ավանդաբար կազմակերպվել է Ռուսաստանի գիտության և մշակույթի կենտրոնի
կողմից՝ Մոսկվայի պետական համալսարանի մասնաճյուղի և Հայաստանում ռուսական համալսարանների
ուսանողների ասոցիացիայի հետ համատեղ։
